Emosional hallar

Emosional hallar aşağıdakılardır:
Əhval – çox zəif cərəyan edir. O xeyli müddət,həftələrlə, aylarla davam edə bilər. Onun səbəbi bəzən tam aydın olmur, çünki əhvalı çox zəif qıcıqlayıcılar belə dəyişə bilir. Əhvalı törədən səbəblər çoxdur. İnsan öz əhvalını idarə etmək üçün onları törədən səbəbləri yaxşı bilməlidir.
Affekt- latın dilində affektus- ruhi təlatüm, həyacanlanma deməkdir. Çoşqun sürətlə əmələ gəlib kəskin xarici ifadəyə malik olan az müddətli, lakin qüvvətlə cərayan edən hisslərdir. Affekt halında öz davranışına şüurlu nəzarət zəifləyir. O, öz hərəkətləri və onun nəticələri barədə sanki düşünmür. Affekt qəflətən müəyyən partlayış kimi baş verir və tezliklə son həddə çatır, adam tez özündən çıxır. Affekt halından yaxa qurtarmaq üçün onun nəticəsini göz önünə gətirmək, onu dərk etmək zəruridir, onun qarşısını almaq insanın iradi qüvvəsindən, şüurluluğundan, mədəni rəftar vərdişlərinə möhkəm yiyələnməsindən çox asılıdır.
Ehtiras- qüvvətli, uzunmüddətli və dərin hissdir. O, insan şüurunun, daxili qüvvələrinin cəmləşməsində, müəyyən vahid məqsədə yönəlməsində öz əksini tapır. Bu zaman hisslər iradi cəhd ilə birləşək adamı müəyyən çətinlikləri aradan qaldırmağı təhrik edir. Ancaq o insanı daim fəallaşdıra bilmir. Bəzən bir obyektə olan ehtiraslı münasibət insanı başlıca olaraq passiv surətdə əzab çəkməyə düçar edir. Bu cəhət ehtirasın ikili xarakterdə olduğunu: ya insanın qüvvəsini zəiflətdiyini, ya da artırdığıni aydın surətdə göstərir. Ehtiras çox böyük qüvvəyə malik olur. Ancaq əsas məsələ ehtirasın nəyə, hansı obyektə yönəlməsindədir.
Stress- ingiliscə, təzyiq, gərginlik deməkdir. İnsanın gözlənilməz gərgin şəraitlə rastlaşarkən keçirdiyi emosional halətdir. Yəni qəflətən təhlükəli vəziyyətdə və ya mürəkkəb şəraitdə təcili surətdə müstəqil qərar qəbul etmək, hərəkət etmək lazım olarkən insanda özünü biruzə verən halətdir.
Frustrasiya- latınca- aldanma, nahaq gözləmə, əhval pozğunluğudur. İnsanın öz məqsədinə çatmasına maneçilik real və ya xəyali maneələrlə rastlaşdığı zaman düşdüyü psixi vəziyyətdir. Frustrasiya o zaman meydana çıxır ki, insanın narazılıq və ya təmin olunmamaq səviyyəsi onun dözüm səviyyəsindən üstün olur. Bu halda insanda dərin psixi sarsıntılar baş verir.